Cinco sindicato na Gobierno: Bin cu proposicion realistico

Diamars den oranan di atardi cinco sindicato cu ta representa empleadonan publico a sinta hunto pa delibera riba e posicion pa cu e proposicion di Gobierno riba indexering. Ya caba nan a haya un mandato di nan miembro pero a sinta hunto pa manda un solo carta aden. Punto importante ta cu nan ta exigi un proposicion realistico for di Gobierno.

E sindicatonan cu a firma e carta ta: Sindicato di Aduana di Aruba (SADA); Sindicato di Polis Aruba (SPA); Sindicato di Empleadonan Publico y Priva di Aruba (SEPPA); Sindicato di Maestro Aruba (SIMAR) y Trahadonan Organisa di Sector Publico di Aruba (TOPA).
Den e carta concipia, y cual a informa e miembronan di dje, ta informa Gobierno cu nan proposicion a keda rechasa y ta spera cu den e siguiente reunion cu lo tuma luga diabierna, prome di november, Gobierno bini cu un otro proposicion.

Den e carta tin tres punto cu nan ta pone na atencion di Prome Minister y Minister di Finanza. E prome punto ta menciona cu ta “rechasa proposicondi Gobierno categoricamente”.

Na di dos luga, e sindicatonan ta informa Gobierno cu nan punto di salida ta 3.6% di e inflacion di 2018, segun datonan di Oficina Central di Estadistica y ta apela na Gobierno pa bini cu un proposicion realistico pa e indexering cu nan por sinta negocia cun’e y cu lo mester drenta na vigor entrante prome di januari, 2019.

Y den e ultimo punto, ta enfatisa di kier haya e proposicion di Gobierno den e reunion di diabierna pa por negocia riba esaki.

Historia

Manera por corda, Gobierno a haci un proposicion cu nan a considera irealistico. Gobierno a ofrece nan un extra dia liber cu e empleadonan por tuma ora cu nan haci aña y e maestronan por haya esaki riba Dia di Maestro, cu ta cay cerca di Herfstvakantie. Banda di esaki lo duna un aumento den e primanan di bashipremie; reparatietoeslag y inhaalmanouvre. E oferta aki di Gobierno ta encera un indexering di 0.6% y den florin e ta 303 florin pa aña. E oferta tambe ta encera cu esaki ta cuminsa conta aki 6 aña, pues na 2025. E fecha ta loke a pone e sindicatonan rabia hopi mas.
Gobierno ta bisa cu nan no por duna nada pa motibo cu tin un palabracion cu CAft riba e plafond di gastonan di personal cu no por surpasa 479 miyon florin.
Tur hende por corda cu ya na aña 2004 a freeze indexering te ora cu sindicatonan an 2008 a dicidi di bay den un accionnan grandi demandando un acuerdo pa pago di indexering. Aworaki tur cos ta mustra cu sindicatonan no ta dal un paso atras riba nan peticion pa un proposicion realistico.

Manera por corda, Gobierno a haci un proposicion cu nan a considera irealistico. Gobierno a ofrece nan un extra dia liber cu e empleadonan por tuma ora cu nan haci aña y e maestronan por haya esaki riba Dia di Maestro, cu ta cay cerca di Herfstvakantie. Banda di esaki lo duna un aumento den e primanan di bashipremie; reparatietoeslag y inhaalmanouvre. E oferta aki di Gobierno ta encera un indexering di 0.6% y den florin e ta 303 florin pa aña. E oferta tambe ta encera cu esaki ta cuminsa conta aki 6 aña, pues na 2025. E fecha ta loke a pone e sindicatonan rabia hopi mas.
Gobierno ta bisa cu nan no por duna nada pa motibo cu tin un palabracion cu CAft riba e plafond di gastonan di personal cu no por surpasa 479 miyon florin.

Tur hende por corda cu ya na aña 2004 a freeze indexering te ora cu sindicatonan an 2008 a dicidi di bay den un accionnan grandi demandando un acuerdo pa pago di indexering. Aworaki tur cos ta mustra cu sindicatonan no ta dal un paso atras riba nan peticion pa un proposicion realistico.

indicatonan an 2008 a dicidi di bay den un accionnan grandi demandando un acuerdo pa pago di indexering. Aworaki tur cos ta mustra cu sindicatonan no ta dal un paso atras riba nan peticion pa un proposicion realistico.