Gobierno y Departamento di Salud a manda cifra relaciona cu casonan di COVID-19 pa e dia di awe. Ta informa cu tin un total di 29 persona cu a recupera.
Pa locual ta trata casonan nobo, tin un total di 35 caso nobo di COVID-19 di cual tur residente.
Mientras ta informa cu a ehecuta un total di 405 test na diferente localidadnan na Aruba, entre otro laboratorio di hospital, laboratorionan priva y aeropuerto. ‘Postivity rate’ entre nos residentenan ta 20%. Casonan activo pa awe ta 174, cantidad di fayecido relaciona cu Covid-19 a aumenta na 75, ta manda palabra di condolencia na famia di e fayecido.
Hospital ta informa cu tin un total di 27 persona interna di cual 10 ta den Cuido Intensivo y 17 riba unidad general di covid. Edad promedio di esnan ingresa pa extra cuido ta 63 aña.