E “positivity rate” pa cu localnan a baha un tiki, sinembargo asina mes e cantidad di casonan nobo cu ta registra ta keda un tiki halto.
Den e resumen ricibi awe for di Departamento di Salud ta mustra cu 26 persona a recupera mientras cu a registra un total di 61 caso nobo di COVID-19, di cual 59 ta residente y 2 no-residente.
Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 699 test. E ‘Postivity rate’ entre nos residentenan ta 14%, un dia prome e tabata 16%.
Activo tin awe 558 caso, cantidad di fayecido relaciona cu Covid-19 ta 52 persona.
Hospital ta informa cu tin un total di 34 persona interna di cual 11 ta den Cuido Intensivo y 23 riba unidad general di COVID.
Recientemente hospital a anuncia cu nan a amplia nan capacidad di Cuido Intensivo, ya cu a ricibi un carga di Hulanda den cual a bini mashinnan pa hala rosea, tubonan y hermentnan medico.