Departamento di Gobierno a duna informacion di situacion di Covid-19 pa e dia di awe. Ta registra un total di 49 caso nobo di cual 48 ta residente y 1 ta no- residente.
Mientrastanto ta informa cu 16 persona mas a recupera.
Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 828 test. ‘Postivity rate’ entre nos residentenan ta 14%.
Activo tin awe 406 caso, cantidad di fayecido relaciona cu Covid-19 ta 58 persona. Edad promedio di esnan cu a fayece ta 64 aña.
Hospital ta informa cu tin un total di 20 persona interna di cual 7 ta den Cuido Intensivo y 13 riba unidad general di covid.
