Diamars mainta a bati alarma pa un accidente cu herido cu a tuma luga na e rotonde banda di sede di FTA na San Nicolas.
Polis y Ambulance a yega na e sitio. Ey a bin tende di e chauffeur femenino cu un ciclista a subi rotonde dilanti su auto cu tabata lorando caba. A consecuencia di esaki e persona riba e Bicicleta a dal den su auto. Esaki sinembargo no tabata nada di gravedad. E ciclista a bay flauw di spanto y a wordo atendi eybou mes door di e paramediconan.
