CIBC First Caribbean ta organisa un “Full moon walk” na Parke Arikok hunto cu Fundacion BOB Aruba

CIBC First Caribbean ta organisa un “Full Moon Walk” na Parke Arikok riba diasabra 15 di juni 2019. Esaki ta un caminata den e Parke Nacional Arikok, cual ta cuminsa 7:00 pm y caba 9:30 pm. E caminata tin diferente obhetibo, un dia nan ta pa recauda fondo pa e Stichting BOB Aruba, tambe pa e comunidad di Aruba por comparti como famia di e bunita naturalesa di nos isla den oranan di anochi unda cu riba e fecha aki e luna lo ta yen y asina duna un bunita claridad durante e caminata.

Na e final di e ruta esnan presente lo por admira e lama y e naturalesa den anochi. Tin e oportunidad pa descansa un rato prome cu regresa na e cuminsamento. E prijs ta AWG 20,- y e ta inclui e entrada na e Parke.

 

 

CIBC hunto cu Stichting BOB ta organisa “Full Moon Walk”

Posted by 24ora on Wednesday, May 15, 2019

CIBC Fist Caribbean y Stichting BOB Aruba ta hopi consciente di nos medio ambiente, pa e motibo aki ta pidi e caminadornan pa trece nan mes un boter y esaki lo por wordo yena na caminda. Tambe door cu e ta den ora di anochi pa cada persona trece un flashlight.

CIBC Fisrt Caribbean ta localiza na 14 isla rond di Caribe y semper ta cla pa yuda e comunidad unda cu nan ta opera. Aki na Aruba ta wordo organiza 2 evento grandi durante aña. Señora Jamie Bareno-Noguera cual ta e representante di e banco ta e Project Manager di e evento nan aki y ta informa cu lo tin esaki awor na juni y otro na oktober.

E banco y Stichting BOB ta hopi gradici na Parke Nacional Arikok cu a habri su portanan pa e noble causa aki, unda cu tur fondo ta bay pa Stichting BOB Aruba. Un danki special na Starr Ramos di e departamento di Marketing y Communications y Roland de Cuba director di Parke Nacional Arikok

Stichting BOB Aruba y su representante Diantha Nueschkier duna un danki na CIBC pa organisa e fundraising caminata aki den e bunita parke Arikok den oranan di anochi. Ta invita e comunida pa yuda sostene y recauda fondo pa e screenings programa di Aruba. E fondo nan ta necesario pa mantencion di tur e aparatura necesario pa e sondeo y tambe pa Stichting BOB por sigui duna communidad bek den forma di miho servicio y mas informacion.

Pa mas informacion por subi riba Facebook di CIBC First Caribbean yama number di tel 522 5600 tambe lo tin informacion riba Stichting BOB Aruba su Facebook y nan number ta 588 1212. Lo duna update yi nformacion tocante benta di tickets pa e caminata. Like & Share e facebookd i Stichting BOB Aruba tambe pa asina por gana tickets pa e caminata. E  tickets nan ta disponibel na oficina di Stichting BOB Aruba Frankrijkstraat 1 (den edificio di Ibisa) y tambe na Banco mes na Tanki Flip 14 A+B. Please anota e fecha den e agenda pa asina por forma parti di e special full moon walk cu lo tapa un hopi bon causa.

Comments

comments