E careda internacional di RokCup Colombia tabata diasabra y diadomingo. Un tremendo careda caminda pilotonan di Aruba Christopher Arends y Matthew Paesch a core den diferente categoria.
Ambos piloto a gana titulo di Campeon tanto diasabra como diadomingo. Un tremendo papel ta loke e coredornan a haci pa nos isla mirando e presencia internacional di coredornan campeon na diferente pais. Christipher Arends a core e careda aki mientras cu antes e tabata mecanico.
Su ruman Edwin Jr Arends tabata e piloto antes y a pone su stoel pa su ruman mecanico y e mes a bira e mecanico. E rolnan a cambia. Como piloto Christopher a mustra cu e por ta mecanico y tambe piloto cu titulo campeon y sub campeon riba dos dia di careda. Edwin Jr e ruman ta contento di mira e resultado.
Tambe e tata Edwin Arends a mustra cu e ta contento cu e resultado. Asina mes el a expresa cu Aruba por mas pero ta depende di Aruba mes. Nan ta cuestiona cu e pista cu tin na Aruba no ta disponible manera mester ta pa nan por train continuamente.
Nos tin un bon pista segun e tata Edwin Arends pero ta usa esaki pa haci negoshi cu tourbus y UTV. Con por train su tin tanto problema pa haya pista. Mientrastanto e realidad ta cu Aruba ta keda score afo. E speransa ta cu nan lo logra trece Pan Americano na Aruba den 2021 of 2022.
