Chris Kross trahando riba album nobo “ Krosshart”

357

Generacion nobo di artista/ talentonan musical cu proyecto pa duna realce na nos musica tradicional den un fusion unico bou di produccion magico di Chris Kross

Na mes momento Chris a duna un introduccion chikito di algun integrante cu tambe ta forma parti di e proyecto aki, manera Lidrick Solognier den percussion y Jose Croeze riba bass, mientras nan ta biba na Hulanda y Chris na Aruba cu a forma un colaboracion y asina manda demo pa por prepara tur cos prome cu bay Merca pa graba.

Chris Kross trahando riba album nobo “ Krosshart”

Chris Kross trahando riba album nobo “ Krosshart”. Click e link pa mas https://24ora.tv/37vbTVi

Posted by 24ora on Friday, February 14, 2020

Ta spera cu e publico ricibi e album den bon forma.

A lansa un campaña pa recauda fondo pa pidi e pueblo di Aruba su sosten pa logra cu e soño aki bira realidad. E album aki ta hopi importante pa e influencia cu kier logra den e generacion nobo.

Cargando e pensamento cu awo ta e momento pa nos generacion sigui traha riba e genero cu ta di nos manera danza, wals, tumba y sigui cu e evolucion di e genero. Ta mira esaki como nos trabou como e generacion nobo aki pa sigui riba dje.

E proyecto aki ta andando pa algun tempo caba. Tur demo ta cla, locual ta tumando luga awo ta e parti di mercadeo pa e album haya fondo pa por bay Merca y Hulanda pa graba, ta locual Chris Kross a conta.

Motibo cu a scoge ambos pais ta door di un premio cu a gana di WGBH ( Educational Foundation, based in Boston, Massachusetts ) cu ta encera entre otro ocho ora di studio time pa e ganado. Cual nan kier probecha awo di haci uzo di dje pa cu e album aki. Ta un studio grandi y lo kier probecha di e oportunidad aki.

Den e grabacionnan aki lo tin un orkesta tambe cu lo forma parti di dje. Idea ta pa haci un mix no solamente di Jazz cu nos musica pero tambe musica di Caribe manera Calypso, Soca, Merengue, como tambe musica di Brazil como esnan Latino. Cu lo mescla cu nos musica, pero cu e rais di nos mesun musica pa resalta.

Ta spera di tende pronto di e album nobo aki pa asina nos por informa nos usuarionan.