Choller hambra tabata hopi rabia

3540

Diadomingo banda di 7or un choller hambra y hopi rabia a yega na Isla Pop exigiendo cuminda. Parce nan a nenga di dune cuminda gratis e momento ey. E no a aprecia. A dal man riba e glas spanta e trahadornan.

Mesora nan a bati alarma cu tin un choller a drenta kibrando cos na e localidad. Varios unidad di Polis a yega y e situacion tabata bou di control. Parce el a haya tog algo di come. Prome cu esey berdad el a dal e glas den un forma fuerte. Polis a atende cu e choller y core cune. A nota si cu e crisis di Coronavirus a causa cu tur localidad di bende cuminda ta cera. Esey ta causa tambe cu ta dificil pa e chollernan yega na nan cuminda gratis sea di e doño of trahadornan mes. Of tambe di clientenan cu sa cumpra algo pa nan come. E crisis a afecta tur hende entrenan e chollernan.