Chocoglam a habri oficialmente pa tur amante di chuculati

Chocoglam ta un concepto cu a nace algun aña pasa, como un di e soñonan cu Nelkis Arends tabata tin pa crea chuculati na Aruba. Segun e ta conta, Chocoglam ta chuculati traha den forma artesanal. Nan no tin ningun tipo di conservante den e chuculatinan.

Chocoglam a habri oficialmente pa tur amante di chuculati

Chocoglam a habri oficialmente pa tur amante di chuculati

Posted by 24ora on Wednesday, March 13, 2019

E reyeno tambe ta wordo traha den nan fabrica. Ta un concepto nobo y sigur e soño di por tin un chuculati traha na Aruba, cu un calidad halto di exportacion.

Tin chuculatinan pa tur gusto, cu tur tipo di ingrediente. Tin cu bisa si cu ya cu no ta produci Cacao na Aruba ainda, ta haya e bonchinan di cacao for di e region mas cerca di nos, cual ta Latino America, esta Mexico, Colombia y Venezuela.

E chuculatinan di Chocoglam ta un pasta cu ta bin di Belgica si, pero cu cacaonan di e region. E ingredientenan ta cacao puro. Bo ta haya diferente sorto di cacao. Den e caso aki e cacao crioyo, forastero, cacao mixto, cual ta esunnan cu ta forma e chuculatinan manera cu nos conoce como Dark Chocolate, of Milk Chocolate of White Chocolate. Por ofrece na clientenan tur tipo di chuculati.

Tambe tin pa hende diabetico, cual ta puro 70%, cual ta un cacao completamente puro y esey ta haci cu su contenido di sucu natural ta hopi abao. E ta hopi recomendabel pa hendenan cu obviamente ta sufri di sucu, etc. Esey tambe ta disponibel na Chocoglam.

Chocoglam tabata un concepto unico cu tabata kier a trece como un producto traha na Aruba. Pesey e cahanan ta hopi personalisa. E tin hopi di haber cu locual e concepto di Chocoglam ta. Den e caha por identifica obviamente den e logo, cu un stempel cu ta bisa made in Aruba y tambe e specificacionnan di Chocoglam. Dicon e ta existi y kico ta tras di e fabrica di chuculati aki.

Arends ta un amante di chuculati y semper e tabata fan di un chuculati hopi popular na Merca, cual ta M&M. Semper su soño tabata pa traha su mesun chuculati y esey a haci cu poco poco e mester a siña hopi, bay les y asina conoce e beneficionan di cacao.

Cacao ta un fruta hopi productivo. E ta un fruta bendito. Na Mexico nan ta consider’e como un fruta di Diosnan. For di Cacao bo no por saca solamente cos dushi for di dje, pero e ta medicinal tambe. Bo por saca remedi, e ta bon pa bo cuero, bon pa bo cabey. E vet di cacao bo por uza den hopi producto cosmetico.

Chocoglam ta purba di haci cu e bonchi di cacao haci’e den diferente forma. No solamente den chuculati, pero ta uza e vet di cacao pa duna e briyo special riba e bon bonsnan. E ta full un concepto cera den otro.

Tur hende por tuma contacto cu nan via nan rednan social. Riba Instagram por haya nan como Chocoglam Aruba. Tambe riba Facebook riba Chocoglam Aruba of via telefon 7434838. Esey ta pa cualkier informacion, cualkier ordo, of cualkier informacion cu kier di Chocoglam. Tin productonan pa tur ocasion. Pa ricibimento, pa bruid, pa ki evento cu ta. Chuculati ta e miho forma pa expresa amor y na Chocoglam ta exprese den tur forma.

Na Aruba ta custumber pa celebra fiestanan importante y cu chuculati di marca Chocoglam sigur por haci un diferencia den e ocasion.