Chito Dirks a haya baranca den cabes durante pelea

Den Ranchostraat Polisnan a bay pura. A drenta informacion cu tin un pelea formal andando cu mandamento di baranca etc.

Tabata net riba e T-Weg di Ranchostraat cu Visstraat a bin topa un victima tur na sanger. A resulta cu ta Chito Dirks conoci di husticia. E ta frei na un cas eybanda tambe. Polis a mira cu e tin un golpi fuerte na cabes y tabata sangra hopi. Hasta a cuminsa bay den shock. A pidi pa ambulance cu urgencia.

A resulta cu no tabata tin ambulance available e momento ey. A keda insisti pa manda yudansa mas pura posibel. Finalmente na yegada di ambulance a yuda e victima. Polisnan mes a bisti handschoen y purba yuda e victima cu su golpi fuerte na cabes. A lora un paña pa wanta e sanger. No tabata tin detencion na e sitio. Parce agresor ta conoci.

Comments

comments