“Asociacion Amigos de Colombia” ta una bes mas organiza una anochi familiar unda cu nan ta celebra e dia 20 di Juli, cu ta e fecha unda ta conmemora e independencia di Colombia.
E aña aki e evento lo tuma lugar na Centro di Bario Playa Pabou, y lo tin un anochi ameno cu hopi ambiente musical.

Lo por conta cu e presencia di entre otro; Dj Henrry, Dj El Arabe Amir, Vallenato Plus, Tsunami, DANI el Sudaca y Edgar y su Tambora. Esaki lo trece tur tipo di musica Latina y bon varia. Ademas, lo tin un bon cushina y bar bon surti, celebrando e cushina Colombiano den tur su splendor.

Nos ta conta cu pueblo su presencia na CBPB di 7 or di anochi, y fiesta lo sigi te cu 3 or di anochi. Ta pidi un contibucion di 10 florin na entrada, cu lo wordo usa pa por sigi hasi e trabounan caricativo durante aña.

Manera ta conoci, ASOCOL ta aporta na e cultura local y Colombiano, organizando diferente evento familiar, manera e “novena” y colleccion di regalo pa muchanan den temporada di pasco.

Comments

comments