Diadomingo mainta, den careda di 7’or a drenta informacio cu tin un auto accidenta y cu e chauffeur lo ta poco bebi, segun e prome informe. E melding a drenta cu esaki ta banda di Divi Phoenix. Mesora unidad di Noord a bay na e sitio. A core busca entre Phoenix y Amsterdam Manor, pero no a topa cu e accidente. Na momento cu nan a keda avisa, Central di Polis riba e accidente cu no a hay’e, a sigui drenta mas informacion cu probablemente lo ta den un hanchi, e auto lo a drenta mondi. E splicacion lo ta hopi malo. Na dado momento a drenta informacion finalmente cu despues di ex House of Cheng, un auto a baha caminda y drenta mondi.
Polis a bay riba Sasaki y despues di House of Cheng, a topa cu un BMW RHD cu tabata bayendo direccion Playa, e chauffeur lo a perde control baha caminda cu e auto y asina drenta e rooi cu tin entre e caminda di Sasaki cu ta bay Playa y esun cu ta bay Palm Beach. Algun testigo ta bisa cu un auto lo a dal den dje mande eynan. E chauffeur mes no a confirma esaki. E tabata mustra poco cansa, pero mirando cu no tabata tin daño na tercera y cu e daño tabata solamente riba e auto a pone cu personal di Forensys a tuma declaracion. E persona a yena tur su documentonan necesario pa loke ta seguro y despues a pidi pa un takelwagen pa bin saca e auto. E auto tabata den e awa cu tabata para entre e dos camindanan di Sasaki. E daño ta limita. No tabata tin hende herida. Asina mes paramediconan di Ambulance a yega na e sitio, pero no tabata necesario pa bay den accion. Na momento cu polis a yega, ainda nan a haya e chauffeur sinta na stuur. A habri porta y poco poco a yuda e persona sali pa asina evita cu e ta baha den awa cu e auto tabata para aden.
