Chauffeur sin rijbewijs y auto sin papel ta e combo pa bay cera

3661

Diamars atardi algun minuut prome cu 6’or Polis a duna un Nissan Sentra señal pa para na altura di Hoy Sing na Savaneta. E auto tabata manera candela, pues di leu bo por a mir’e.

Durante control di Polis a bin resulta cu e vehiculo no tabatin ningun tipo di papel, pero pio ainda…e chauffeur no tin ni rijbewijs ni tampoco tin edad pa por tin un! Polis a detene e chauffeur y a takel e auto bay cun’e. Un auto sin number, sin belasting paga, sin seguro y sin keur, de facto, ta coriendo ilegal riba nos careteranan!