Awe merdia banda di 1:30pm a drenta informacion di un accidente cu a tuma luga net dilanti di “New 88 Food Mart” na Macuarima Santa Cruz. Segun informe un di e chauffeurnan a resulta herida. Mesora a despacha algun patruya di polis pa e sitio y a constata cu e chauffeur di e Nissan Cube tabata keha di dolor. Pa casualidad algun persona di “Rode Kruis” tabata presente y a brinda nan promer ayudo na e dama cu tabata keha di dolor.
Aunke e daño material tabata minimo, debi cu e chauffeur cu tabata keha di dolor ta na estado, a pidi pa un ambulance . Parce cu e Hyundai Accent color shinishi tabata bayendo direccion zuid y ora a yega e T-kruising, un Nissan Cube biniendo di pabou a subi e crusada su dilanti sin dun’e preferencia. Aki e chauffeur di e Hyundai no por a evita e impacto mas y a dal den banda di e Nissan Cube.
Ora ambulance a yega, e paramediconan a tuma e chauffeur over for di boluntarionan di Rode Kruis y finalmente a pone den ambulance y a hib’e Hospital.
