Un rato pasa alrededor di 4:00pm a sosode un accidente den Wilhelminastraat. Ta ora cu un señora tra’i stuur di un RHD color blanco numera, A-44388 a causa dobel accidente dilanti Doña Clara Building. Segun informacion, e auto a baha caminda pa un of otro motibo y basha un pilon di cement abou.
Djey e chauffeur a habri porta y net un Kia Picanto tabata pasand’e den banda, a deuk e porta di e Kia por completo. E chauffeur di e RHD a bisa polis: “Mi auto no tin NIKS y mi no tin rijbewijs”.
El a adimiti tambe cu el a dal dos betro un rato prome. Na dado momento e pareha di e chauffeur bou influencia a yega na sitio y a cuminsa un intercambio di palabra formal durante pleno accidente. Na final a deten’e e chauffeur y a transport’e pa ward’i polis.