Chauffeur hoben a sali busca cuminda y accidenta

5035

Diadomingo rond di 5’or di marduga a sosode un accidente basta grave na Pos Chikito cu dos persona herida. Habitantenan a scucha un sonido masha duro pa bin tende despues cu tabata trata di un accidente cu a caba di tuma luga, net na final di Pos Chikito pa drenta Savaneta.

E dos vehiculonan envolvi tabata un Toyota Aqua y un Audi, ambos RHD. Esaki tabata e salbacion di e chauffeur hoben, di e Toyota, cu a resulta gravemente herida. El a caba di baha algun amigo na Pos Chikito y tabata di bay Savaneta pa cumpra algo di come.

Accidente serio awe marduga riba Green Corridor na altura di Pos Chikito. E chauffeur a resulta gravemente heridahttps://24ora.news/2qCkWVi

Posted by 24ora on Sunday, December 8, 2019

E tabata biniendo for di e caminda di Rooi Lamoenchi y a subi caminda pa bira na man robez y bay Savaneta ora cu e Audi biniendo abou a dal flat den dje. A causa di e impacto e Audi a keda na banda drechi di e caminda grandi, bayendo direccion abou, mientras e impacto a manda e Toyota Aqua completamente na e otro banda di caminda, mas cu 50 meter for di e punto di impacto, net pariba di Oduber Welding Shop.

E prome polis, femenino, cu a yega na e sitio, a keda cu e hoben tratando di calm’e, mirando cu e tabata hopi onrustig, te ora cu ambulance a yega. Den dos diferente ambulance a transporta e dos chauffeurnan pa hospital, unda e hoben Sean Michael Urbina tabata esun mas grave.