Diadomingo atardi a sosode un accidente riba e caminda di Koyari. Un chauffeur femenino di nacionalidad Venezolano sin rijbewijs y papel di Asilo a causa accidente. E tabata bay zuid riba e caminda biniendo for di Gasparito pa Koyari. E tabata core den un Hyundai Getz color shinishi. Ora el a yega na e Minimarket Chines na Koyari a hisa benta den robes net ora un Kia Rio tabata bayendo Nort.

E dos autonan practicamente a dal frontal. Despues di e impacto e chauffeur femenino a purba huy pero e auto no a yega mucho leu. Djey el a baha for di auto pa purba bandona e sitio na pia. A drenta cura di desconoci y purba sconde. Claramente por a mira cu e tabata bebi. E tabata hole alcohol fuerte. A informa Forensys y Polis pa presenta na e sitio. Na yegada di Polis di Trafico a laga e chauffeur bebi pasa un test. E machine tin un limite. E tin tres digit y den e caso aki el a supla riba loke e machine por absorba. Kiermen cu e tabata hopi bebi. E machine di Polis den casonan ora ta hopi bebi ta marca Error mesora. Esey kiermen cu ta paden e mester supla riba e machine grandi. E chauffeur tabata trip marduga y a sigui te atardi. A subi auto bay core. Testigonan a mira cu for di un distancia caba e tabata core hopi malo.

Chauffeur femenino pata pata a causa accidente na Koyari

Chauffeur femenino pata pata a causa accidente na Koyari

Posted by 24ora on Sunday, October 13, 2019

El a saca un cedula di Venezuela y papel di Asilo cu no tin balor mas na Aruba. Polis a splike henter e proceso di suplamente y djey ora mira e resultado a mustre riba su derechonan y a pone na boei. Cu Dogcatcher a hibe warda pa sigui e resto dilanti subfiscal. Un conocir a bin atende cu e auto. E otro chauffeur di Kia a duna declaracion tambe na autoridad. El a keda cu e auto kibra y e chens ta grandi cu seguro di e otro auto lo no paga pa e gastonan mirando cu e chauffeur cu a ocasiona e accidente tabata hopi burachi. Diariamente ta topa situacionnan asina unda chauffeurnan bebi of sin rijbewijs y no local ta ocasiona accidente. Ademas cu hopi biaha ta ilegal ta subi caminda cu vehiculo causa accidente y laga otronan cu tur cos na ordo cu nan auto kibra y den gastonan halto.

Comments

comments