Diahuebs, pa mas of menos 12’or y mey di marduga, un chauffeur balente a dicidi cu e lo bay drift su auto dilanti di CMB na Boulevard, sin cu e tabata sa cu agentenan di Mobiele Eenheid, sinta den varios auto priva, tabata tirando bista riba dje. Mesora nan a cer’e y no a keda nada otro di fria cabes. Parce cu e auto no tabata tin ningun documento na ordo, ni e chauffeur tabata tin rijbewijs. E auto a wordo kita inmediatamente for di e chauffeur, lagand’e na pia.
