Chauffeur di Honda a lubida riba bocht band’i EMCO y accidenta

791

Diabierna pa mas of menos 1:45PM a sosode un accidente na altura di EMCO entre un Honda Civic y Hyundai Tucson. E chauffeur masculino di edad avansa di e Honda Civic no a paga tino di e bocht y a sigui bay straight.

Aki el a topa cu trafico contrario y dal contra e Hyundai Tucson. Polis y roadservice a presenta na e sitio pa tuma datonan di e accidente. Daño material riba ambos auto tabata considerabel. Chauffeur di e Honda a keha di dolor na pecho y di biaha a pidi asistencia di ambulance. Na yegada di ambulance, di biaha e paramediconan a controla e chauffeur y a opta pa hib’e hospital pa haci chekeo medico.