Nan a pasa y haci na diferente parti di Aruba y naturalmente tin algun no por evita di drift, manera a sosode na Pos Chiquito y na San Nicolas. Ta trata di mas cu 50 auto.
Na momento cu un grupo a yega San Nicolas, nan a cuminsa drift y haci show pa despues sigui direccion di Colony. Polis a wordo poni na altura y tres patruya a bay direccion di Colony unda a topa un fila di auto y brommer bayendo e direccion, unda cu ya caba tabatin un grupo grandi staciona banda di Baby Beach.
Ademas di e problema di drifting, doño di un Van a lanta un tent pa cuminsa haci auto limpi, pa cual e no tabatin permiso y Polisnan a pone kit’e bek.
