Chauffeurnan di autobus riba e ruta di Playa pa San Nicolas ta den un tristesa grandi. Ademas hopi ta preocupa y cu rabia den nan curpa. Nan colega Elvis Arendsz di B-33 a fayece despues di a bebe weedkiller y a fayece despues di algun dia na Hospital. E no por a “verwerk” locual a pasa cu su yiu muhe di 12 aña, cu a conduci na tuma un decision asina drastico. Ta sospecha su mesun colega, Wilson Richards di B-136, di a comete actonan inmoral cu su yiu di 12 aña.
Ta sospecha cu e acto inmoral a sosode den luna di december, pa cual a haci denuncia caba. E tata tabata rabia pasobra Polis no tabata actua mesora. E departamento tin basta trabou.
Na luna di februari, despues cu Elvis Arendsz a bebe weedkiller, mesora a detene e sospechoso. A menciona mas number di autobus cu por ta envolvi den e actonan di inmoralidad cu e menor di 12 aña. Finalmente awor ta solamente un ta cera, esta Wilson Richards di B-136. Te awor aki no por confirma cu tabata tin penetracion. Pero riba red social, Instagram, el a manda fotonan di su penis.
Autoridad a papia cu e menor caba despues cu e tata a haci denuncia. Awor e pregunta ta kico kico DTP ta haci cu e guy aki di B-136?. Otro Chauffeurnan di autobus ta sinti nan mes incomfortabel cu e cos aki. E ta trece un sentimento amargo. Un colega B-33 a mata curpa pa motibo di e caso aki despues di mas cu un luna di a entrega keho na autoridad. E no por a biba cu e situacion y a tuma un decision asina drastico pa cu su bida.
