Chauffeur cu tabata core “zigzag” a keda na pia

Algun minuut prome cu 10or di anochi,  a mira movecion straño di un automolista riba e caminda di Tanki Leendert pa Tanki Flip. Ta trata di un Toyota modelo Corolla, numera: A-65214. Polis a logra par’e cerca di Wema na Ponton. Parce cu na Catiri e chauffeur a dal den un obheto caba band’i caminda. 

Polis a puntra e homber si e ta bou influencia. El tabata honesto y a contesta: “Mi a dal dos pero mi ta sinti mi ok.” Pa siguridad di su mes y tambe pa otro automobilistanan riba caya, a opta pa kita e yabi for di dje y laga e chauffeur na pia. Despues un familiar of conoci lo tin cu busca e yabi di auto na warda.