Dialuna, pa mas of menos 5’or di atardi, varios patruya a wordo manda direccion Hato, unda cu un Suzuki Swift, color shinishi, numera A-16318, lo a pasa dal un otro auto y despues sigui core.
Akinan aparentemente e lo a dal un Lexus, djey sigui su caminda, sin worry cu nada. A cuminsa cu un persecusion for di Cas Casuela na Tanki Leendert, cu a bin caba te na Bubali. Polis a logra para e auto y a detene e chauffeur kende tabata bao di influencia di alcohol. Riba e caminda di Hato, e auto a pasa dal un palo di luz y a sigui cu su caminda. Polis a confisca e auto y despues laga takel’e pa warda di Shaba.
