Chauffeur burachi deteni despues di dal tras di un BMW

Ta den Verbindingsweg, cerca di rotonde Xerox, ora cu chauffeur di un Chevrolet SUV color blanco numera, A-59317 a dal tras di un BMW cu tabata cla pa subi rotonde. Chauffeur di e BMW a conta cu, e tabata cla pa subi rotonde ora cu el a tuma nota di un auto biniendo tur cu tin su tras y dal contra dje. E BMW ta practicamente nobo.

E chauffeur di e Chevrolet tabata bou influencia di alcohol, pa cual polis a detene mesora. Daño material tabata considerabel. Ta sospecha cu e chauffeur di e Chevrolet ta indocumenta riba nos isla. Na warda, lo procesa su detencion, p’asina wak si ta necesario pa cuminsa cu e proceso di deportacion. 

Chauffeur pata pata deteni despues di dal tras di un BMW cla pa subi rotonde

Posted by 24ora on Wednesday, January 25, 2023