Diasabra anochi pasa di 10or a sosode un accidente riba e caminda di Franse Pas. A drenta informacion cu un chauffeur kier core bay despues di accidenta. Tambe a menciona cu e chauffeur ta basta bebi. Polis di trafico a yega y topa cu un homber cu ta canta Mariachi full na su paña Mexicano.
El a canta Mariachi y bebe simultanemente na fiesta. El a bebe hasta dimas. Cu e Kia Picanto blanco A-56158 e tabata prome den vecindario di Fayan na Santa Cruz. Ora el a bandona e area ey el a dal un auto sigui core. Djey den e area di Rooi Frances a dal den un pickup Hilux. Djey e kier a bandona e sitio atrobe pero e auto tabata basta kibra e biaha ak. Polis a yega y detene mesora.
Familiar di e chauffeur di e pickup a yega y kier a atende cu e homber bebi cu a ocasiona e accidente. Cos no a bay for di man. Polis a interveni tambe. Dogcatcher a bin y a bay cu El Mariachi di inicialnan L.A. Cu takelwagen a hiba e Kia Picanto pa warda. Den e pickup tabata tin un ocupante cu a keda herida levemente cu sla na pecho. A pidi ambulance y a hibe hospital pa chekeo medico. E polisnan di trafico cu tabata na Fayan a bay Rooi Frances pa atende cu e auto Kia Picanto pasobra nan ta investigando e Hit and Run di un rato prome cu e mesun Kia Picanto.
