Diabierna anochi un chauffeur causando un peliger grandi pa trafico a keda deteni pa Polis. E tabata coriendo di Noord pa Playa. El a sali for di un bar na Noord cu e pickup color preto A-14286.
Chauffeurnan su tras a mira cu e tabata cada biaha bay den robes y autonan di direccion contrario mester a hala of baha caminda. Esaki a sosode di Noord pasando Boegoeroei, Shaba, Tanki Flp, Ponton y drenta Santa Helenastraat. Djey despues di rotonde di Driemasterstraat a logra pare den Belgiestraat.
Chauffeur a mira mesora cu e chauffeur tabata bebi y ta detene. Un dama cu tabata den auto tambe Polis a atende cune. No tabata tin nada particular cune y pesey mes el a bandona e sitio na pia. E auto tabata tin toolsnan di balor den dje. Pesey mes Polis a prefera di pone e auto na un forma sigur pa nada wordo horta.
