Awe marduga den careda di 4.30am a sosode un accidente na Montaña, na Noord. Un auto marca Suzuki modelo Vitara color shinishi maneha pa un bartender masha popular den un club nocturno na Palm Beach. E tabata biniendo riba e caminda di Montaña yegando e T-kruising pa bay Colegio Felibe B. Tromp. E no a para na e T-kruising, consecuentemente el a bay dal den un pal’i luz “straight” su dilanti. E pal’i luz tin un “transformer” riba dje.

Chauffeur burachi a laga parti di Noord sin coriente marduga

Chauffeur burachi a laga parti di Noord sin coriente mardugaClick link pa mas: https://24ora.news/369kdd4

Posted by 24ora on Friday, December 6, 2019

Elmar su presencia tabata necesario mirando cu e pal’i luz tabata colga riba un waya di un compania di telecomunicacion. Tambe, dor di e accidente, coriente a bay den varios bario den vecindario.

Polis a laga e chauffeur supla pa wak si e ta bebi of no, “eingelijk” esaki no tabata necesario mirando cu e chauffeur mes a bisa Polis: “Mi ta halto”. Pero pa e parti protocol di trabou, mester a lag’e supla toch.

Update di NV Elmar: Area di Boegoeroei, Montaña y Seroe Janchi: Nos tecniconan ta trahando ariba un storing cu a surgi mas tempran den e area aki debi na un accidente.

Ambulance tambe a presenta na sitio mirando e cu el a haya sla na su wowo. Hunto cu un Polis den ambulance, a transport’e pa Hospital, caminda e lo ricibi asistencia medico avansa.

Comments

comments