Chauffeur burachi a causa accidente na Solito

592
  • Diadomingo anochi pa 11:25pm a sosode un accidente entre un auto marca Toyota modelo Tercel y un otro Toyota modelo Yaris. Influencia di alcohol a hunga un rol den e desgracia, pa cual un chauffeur a keda deteni.
  • Polis a cuminsa un investigacion na e sitio. Chauffeur di e Toyota Yaris a conta cu e tabata bayendo direccion zuid riba e caminda di Solito, pero yegando e crusada di RCA un Toyota Tercel color berde a sali net ora e ta yegando y a dal den dje.
  • E daño material ta considerabel. Mirando e forma con e accidente a sosode, a test e chauffeurnan pa alcohol. Esun di e Toyota Tercel a resulta burachi, pa cual a detene mesora y a transport’e pa Warda di Polis.