Diadomingo marduga a sosode un accidene riba L.G. Smith Boulevard. Chauffeur di un Rav4 color blanco biniendo for di pabou direccion pariba a dal tras di di un auto di Guarda Nos Costa. E chauffeur no a nota cu e pickup di Guarda Nos Costa a pone señal pa bira na su man drechi pa bay direccion di West Deck.
Na sitio polis a haci un test di alcohol cu chauffeur di e Rav4 pa cual a surpasa 300 ug/l, e limite ta 225 ug/l. A detene e chauffeur y transport’e pa warda di polis caminda lo present’e dilanti un subfiscal.
