Diasabra anochi algo prome cu 12:30 anochi un Seat Ibiza maneha pa un dama a dal den un auto bus. Esaki a causa cu e autobus a bolter riba su banda . Den prome instante tabata papia di cuater pasahero cu lo mester a keda pega den e auto bus . Na yegada di polis por a compronde cu tin un hende so a keda pega den e auto bus.
Polis a pidi Brandweer cu ekipo di rescate cu maximo urgencia pa asina saca e ultimo persona for di e bus. E chauffeur di e bus a fractura su man y un pasahero tabata sinti su lomba. Dos ambulance a presenta na e sitio y a transporta ambos herido pa hospital. E dama cu a maneha y a ocasiona e accidente a keda deteni pa core auto bou di influencia di alcohol.
