Diaberna den careda di 6:00PM cu unidad di polis motorisa tabata patruya den Jaburibari y a mira un blazer color oro, numera A31660 no tabata core bon. Di biaha a duna e chauffeur ordo di para.
Aki a ripara cu e chauffeur no por a sigui core su auto mas. E agentenan policial a opta pa detene e chauffeur masculino cu tabata core auto bou influencia di alcohol.
Un amigo di e chauffeur masculino a presenta na e sitio y a ofrece pa hib’e su cas. E agentenan a splic’e cu esey no ta posibel, pasobra nan a deten’e caba. Polis a papia cu e chauffeur detenido p’e calma, pero no a haci caso. Nan a boei e chauffeur y a pidi pa transportwagen, unda a transport’e pa warda di polis.
