Chauffeur bebi ta kibra auto na werki riba subida di Lago Heights

Diabierna atardi laat un chauffeur a ocasiona un accidente. E accidente aki a causa tambe cu e chauffeur lo keda na pia pa algun tempo. Su auto a keda tur destrui. Polis a wordo manda cu urgencia na e sitio. Ora cu a yega a topa cu un solo auto accidenta y tur kibra mey mey di caminda. Tabata tin hopi azeta cu tabata core na e subida. Polis a bay atende cu e chauffeur y a ripara cu e tabata bebi. E ocupante tabata herida. Ambulance a presenta y paramediconan a atende cu e victim. E chauffeur mester a supla y aki polis a confirma cu e tabata bebi. A detene mesora. E auto mester a wordo hala cu takelwagen. El a dal den e muraya ora cu e tabata riba e subida. Perde control na stuur y accidenta. Basta azeta a keda riba caminda y mester a yama instancianan pa bin plama santo.