Diadomingo den marduga, chauffeur di un SUV Kia Sportage tabata bayendo dirrecion pariba riba Green Corridor. Despues di e rotonde di Seri Teishi a topa dos brommer su dilanti. Segun declaracionan for di fuente, e SUV no a ni baha velocidad of trata di brake y a dal ambos brommer di patras y a lastra nan algun meter.
Den e dalmento e chauffeur di e Kia Sportage a perde control riba su vehiculo y a bolter. Polis y Ambulance a yega rapidamente y a hiba e dos manehadornan di brommer hospital. Mientrastanto Polis a dicidi di detene e chofer pa core bou influencia. E caminda a keda basta rato sera, pa asina autoridad por a traha trankilo durante e proceso di investigacion.
