Pasa di mey anochi, patruya di Playa a ser dirigi riba e caminda di airport bayendo direccion pabou. Riba e caminda menciona a bin topa cu un pickup Hilux color blanco numera A-29918 para riba caminda. E tabata forma peliger pa trafico. Ora patruya a yega mesora a bay atende cu e homber burachi na stuur. E no por a para drechi riba su pianan. Polis a splike den ki problema e por haya su mes. Despues a detene e homber y a manda pidi dogcatcher pa asina transporte pa warda di Playa. E pickup a keda banda di caminda para.
