Diabierna anochi manece diasabra pa mas o menos 1.30am a sosode un accidente na altura di Citgo Boulevard. Aki ta caminda cu un Toyota Corolla numera A-48104 a pasa den verboden na altura di Citgo y a accidenta frontal contra un ambulance. E chauffeur tabata biniendo for di direccion pabou cu intencion pa bay pariba. E chauffeur no a sigui cu e splitsing, el a sigui stret y ocasiona e accidente. Esaki no tabata suficiente, mirando cu e chauffeur tabata bou influencia di alcohol. A detene y transport’e pa warda pa asina e haya un cuarto gratis na Warda. Danki dios no tabatin ningun herido. Daño material ta considerabel.
