Tabata algo despues di 3’or y mey di marduga caminda cu a sosode un accidente den Rooi Frances, net den un birada skerpi. Un dama manehando un Toyota Tercel tabata bayendo direccion Sabana Basora caminda cu Hyundai Getz color blanco tabata biniendo for di direccion contrario y a dal frontal contra e auto pa djey subi un pida cero y bolter.
Polis a detene ambos chauffeur pa core auto bou di influencia di alcohol. Na sitio a bin e pareha di e dama, e tabata papia hopi bruha y tabata stroba Polis ta traha. E tambe a bay hunto cu su pareha y e otro partido den transportwagen pa Warda. Daño material tabata basta.
