Chauffeur a reacciona laat riba caminda y a dal tras di auto na Santa Cruz

1766

Diasabra, un poco prome cu 1’or di merdia, a sosode un accidente caminda cu dos auto a dal den otro riba e caminda principal di Santa Cruz.

Ta trata aki di un Toyota Altezza color blanco, cu tabata bayendo direccion di Drive In, a baha velocidad y a sortea na crusada di Mond’i Fierno, poco pariba di Rudsen Rumshop pa bira man robes drentando Rooi Frances. Su tras tambe tabata bin un Kia Rio color blauw. E chauffeur di e KIA a conta cu el a reacciona laat y a bay dal tras di e Toyota Altezza.

E daño material riba e Kia tabata relativamente minimo si compara cu e daño riba e Altezza.

E chauffeurnan y pasahero a keda bon. Roadservice a atende cu ambos partido.