Chauffeur a perde control riba Green Corridor y bolter parib’i Aeropuerto

Awe merdia algo prome cu 3:00pm a sosode un accidente cu herido net pariba di Hyatt Place riba Green Corridor. Ta trata di un auto marca Hyundai modelo RHD color preto. E chauffeur femenino tabata su so den auto. E tabata coriendo for di Oranjestad direccion San Nicolas, ora cu diripiente el a perde control, baha caminda y bolter su auto den e espacio bashi patras di e hotel.

E motibo principal di e accidente no ta conoci, pero velocidad probablemente a hunga un rol. Materialenwagen di Brandweer a presenta den un tempo record, a logra pone e auto bek riba su cuater wielnan.

Accidente riba Green Corridor, chauffeur ta herida

Accidente riba Green Corridor, chauffeur ta herida. Click e link pa mas https://24ora.news/3iiYUfw

Posted by 24ora on Thursday, August 6, 2020

Polis di trafico a presenta pa tuma tur datos y a haci e investigacion necesario. Ambulance a transporta e dama pa Hospital pa e por haya atencion medico avansa.