Un rato pasa a sosode un accidente pisa den Paradijswijk, ora cu un chauffeur hoben a perde control tras di stuur y a bay kibra un auto para riba acera. Ta trata aki di e auto di Magali Brito, Secretario General di e sindicato mas grandi entre empleadonan publico, esta SEPPA. No tabatin ningun hende den su auto y chauffeur di e otro auto no a resulta herida.
“Tabata un zonido masha duro. Spanta mi masha. Mi tabata den cura trahando cu mata”. Danki Dios ningun hende ta herida pero e autonan a ricibi hopi daño material. Pero esey ta menos mal, seguro ta cubri’e.
