Diadomingo marduga, polis a bay na altura di Docucentro, situa den Caya Betico Croes pa un accidente, caminda cu e chauffeur di un pick aparentemente lo mester a slip riba caminda muha, bay na band robes di caminda. Net na e momentonan ey, tabata tin trafico contrario cu tabata acercando.
E chauffeur a maniobra, a logra kita na man drechi, subi acera, dal den algun mata y na finalmente kibra un meter di awa. Debi na e impacto masha hopi awa a spuit, di manera cu personal di WEB mester a bin y drecha e daño causa. Polis di trafico na e sitio a tuma dato di e accidente.
