Diasabra mainta pasa di 7or a sosode un accidente cu hopi daño material. Un chauffeur cu tabata bay direccion pariba den Bernhardstraat a pega soño na stuur. El a baha caminda y bay pega den un pilar di cas.
No ta prome biaha cu auto ta dal den e cura. Polis a presenta. Aunke e impacto tabata fuerte e chauffeur no a keda herida. Takelwagen a ser pidi pa bay cu e auto Nissan. E doñonan di e cas tambe tabata presente ora e accidente a tuma luga. Esnan encarga cu seguro a haci investigacion.
