Awe algo despues di mey anochi a sosode un accidente riba e caminda di Tanki Leendert pa Paradera. Na altura di Shiribana 16-B e chauffeur a baha caminda ranca un pal’i luz y despues bay dal den un mata canto di caminda.
Testigonan a conta na e sitio cu e homber den e Hyundai SUV color blanco, numera A-56411, a pega soño tras di stuur. Esey ta splica con el a sal su auto dos biaha tras di otro. Probablemente ora el a dal e pal’i luz, pa ora e kier a reacciona, ya el a bay pega den e mata canto di caminda caba.
E impacto tabata fuerte y obviamente e auto a keda total loss. Algun cas den bicindario a keda sin coriente. Claro cu bisiñanan no a aprecia esey, den un pleno diadomingo marduga pa drumi den calor pa motibo di un chauffeur iresponsabel.
Tecniconan di N.V. ELMAR a yega na e sitio cu diferente truck pa drecha e daño laga atras riba nan infrastructura y cu ta causando inconveniencia pa e bario.
