Chauffeur a pasa crusada sin para y causa accidente

983

Diaranson den careda di 2’or y mey di merdia, a drenta informe cu tin un accidente na Santa Cruz na e crusada banda di Notaris Kantoor M.J.C. Tromp. Na e sitio a bin compronde cu un Van Mitsubishi cu tabata bin di zuid, kier a pasa e crusada pa e subi e parking space dilanti e Notaris Kantoor M.J.C. Tromp, pero no a tene cuenta cu un Toyota Duet cora cu tabata bini di pariba.

E chauffeur di e Toyota a lastra un brake y a trata di hala un banda, pero tabata envano, y a dal den banda drechi dilanti di e Mitsubishi pa despues subi e stupi di e parking space. Den e Toyota tabata tin algun mucha sinta tambe y ambulance a presenta pa haci un check up medico riba tur. Aunke e chauffeur di e Van Mitsubishi tabata bisa cu e tabata su fout, toch mirando e lastra di brake, ta mustra cu e Toyota tambe a bin cu basta velocidad. Polis di trafico a cuminsa haci su investigacion pa asina por determina mas miho con e accidente por a tuma luga.