Un acto hopi iresponsabel a tuma luga diabierna mainta riba caminda di Sero Blanco na momento cu un pickup Toyota Hilux ( color blanco ) a subi caminda tur cu tin y bay dal den un vehiculo ( Mitsubishi Sportero blanco ) cu tabata saliendo for di e Supermercado Xin Da pa e caminda grandi.
E Pickup a bin dal cu tur su forsa den banda di e vehiculo cu na su turno a bay dal den e auto su dilanti ( Ford Ecosport blanco ) cu tambe a ricibi daño material.
Pa tur hende nan sorpresa e pickup cu a ocasiona e accidente a bira su vehiculo manera nada no a pasa y a trot bay lagando tur hende atras. Esnan envolvi no por a kere nan wowo y a cuminsa grita e chauffeur pa e bin bek y para responsabel pa locual el a caba di haci. Afortunadamente tur cos ta capta riba camara di e bisiña y ta pa es motibo aki no ta consider’e un “Hit & Run” pero mas bien un “Failed Run” pasobra tur su informacion ta den man di autoridad.
