Diadomingo, pa mas of menos 9’or di anochi, a tuma luga un accidente caminda cu un auto a bolter den vecindario di Sero Cristal. Tanto polis ambulance y materialenwagen di Brandweer a dirigi na e sitio pa asina duna asistencia.
Chauffeur di e KIA Rio, pa un of otro mobito lo a perde control y posiblemente lo a dal contra e barancanan cu tabata tin banda di caminda. Mirando e posicion di e chauffeur, no a keda nada otro pa bomberonan corta dak di e auto, pa asina saca e chauffeur, cual maniobra a dura un rato, mirando con e auto a bolter. Despues di a saca e chauffeur, ambulance a hib’e hospital, pa asina haya tratamento avansa.
