Dialuna marduga pa mas of menos 1 or polis a tuma nota cu un chauffeur di un pick up color blanco a pasa den lus cora di Driemastersstraat.
E chauffeur tabata direccion pa L.G. Smith Boulevard, dibiaha polis a duna e chauffeur señal pa para pero esaki a bira sospechoso na momento cu no kier a para pa autoridad. E chauffeur a bira bay coi e caminda di Boliviastraat y asina Polis a sigui e chauffeur te bay para na final di Driemasterstraat te cu e construccion di futuro E.J. Watty Vos Boulevard.
E homber a ripara cu su auto a keda na werki y a sigui core bay pia abou drenta den tur e mondi, probablemente e tabata bou influencia di un of otro substancianan ilegal of no tabata tin su documento na ordo. No a logra haya drechi di e homber sospechoso, Polis tin e auto confisca pendiente investigacion.
