Tabata algun minuut prome cu 10.30pm cu riba e caminda di Sabana Liber un auto a bay dal riba un palo di luz. Un chauffeur masculino biniendo for di direccion di Alto Vista, manehando un Hyundai pick-up color blanco a haya su mes den un situacion cu e mester a actua lihe.
El a conta cu un auto tabata biniendo den su direccion riba su band’i caminda cu a causa cu e mester a desvia y a bay dal den palo di luz. Pero e version no tabata cuadra mucho, e tabata papia basta bruha y basta cansa.
E pal’i luz a ricibi algun daño pero no den e gravedad cu e bario a keda sin coriente, Presencia di Elmar tabata necesario. Mientrastanto e chauffeur a keda deteni pa core auto bou influencia di alcohol. A deten’e y a transport’e pa Warda caminda unda a lague descansa pa e baha su buracheria.
