Awe mainta 8:00am a sosode un accidente na Botica Kibrahacha situa den Super Plaza Mall. Un auto a drenta e edificio, causando bastante daño.

Na yegada di autoridad a constata cu ta trata aki di un chauffeur di edad halto, cu pa un of otro motibo, a primi trot pa kibocacion enbes di brake y a drenta cu su vehiculo door di porta di e botica.

Daño ta considerabel tanto na e vehiculo como na e edificio. E victima ademas di un susto grandi, tabatin algun marca visibel di a sufri herida door di e impacto. Personal atento di e botica a brinda asistencia mesora, a pone un stoel pa e sinta y a warda ambulance presenta na sitio pa brinda asistencia.

Mas cu claro por imagina cu e trahadonan di Botica Kibrahacha tambe a pasa dor di susto di nan bida cu un entrada asina aki. Algo cu no ta bay lubida pa awo.

Comments

comments