Auto a bolter den rooi na Hato tabata e prome informacion cu a ricibi di un suceso diabierna anochi.
Den careda di 9:00PM a pidi asistencia di polis pa un vehiculo cu a cay den rooi den area di Hato. Na yegada a bin topa cu un Land Cruiser A-45469 den su banda cu a perde control y cay den e rooi.
Segun observacion ta kere cu e vehiculo lo tabata den velocidad halto den e area eytras y no ta conoci cu e brug y rooi cu no ta visibel den scuridad di anochi y cu por ta causante di e accidente.
Polis cu a yega, no a topa cu ningun hende na sitio, unicamente e auto. Chauffeur a bandona sitio lagando su auto tira den e rooi y sin por confirma si e por ta herido of no.